Sunday, 1 February 2015

Part 342:**Muhabbat Ki Raahon Me**


Armaan had closed his eyes. His face was impassive. Nobody knew whether he was happy or sad.

Ridhimaa: (coming over her shock) Tumne... tumne ye sab kaha? I don't believe it.

Armaan: Mujhe achhi tarah se yaad hai... maine kaha tha: "Mr.Salmaan Mallik... main aapka beta nahi hoon. Mujhe aapka pyar, aapke paise nahi chahiye. Mujhe meri ma aur meri ma ki khushiyan chahiye... aur wo aap jaise aadmi ke saath rehne par nahi mil sakti. Agar aap mujhse zara sa bhi pyar karte hain, meri zara si bhi parvaah hai aapko to aap yahaan se chale jaaiye... warna aapko mera mara muh dekhna hoga." Haan... bilkul yahi words the...

Shashank: Aur... aur wo chale gaye?

Armaan looked at Shashank with tearful eyes.

Armaan: (controlling his emotions) Haan... pehle to wo thodi der tak mera muh ghoorte rahe jaise maine koi aisa kaam kiya ho jiski unhe mujhse ummeed na ho... fir... haan fir wo chale gaye... bina kuch kahe, bina kuch kiye... mujhe aur meri ma ko akela chodkar chale gaye... apni doosri biwi ke pass. Lekin ek galti ho gayi unse. Wo bhool gaye ki unki doosri biwi ke saath unhe unki beti bhi milegi jise wo kisi bhi keemat par apnaana nahi chaahte the. Jab unhone apni doosri biwi ko zyada torture kiya ki wo apni beti kisi orphanage me de dein... to wo dono wahaan se chale gaye... aur Salmaan Mallik akele reh gaye. Tab wo kabhi-kabhi humare ghar waapas aa jaate... lekin hum unke bina jeena seekh gaye the. Kuch saal baad ye silsila bhi khatm ho gaya. Mujhe nahi pata tha ki mere... mere...

Ridhimaa: (supplying) Abi Jaan?

Armaan: Haan... wo kya kar rahe hain. College me pata chala ki wo kya se kya ban gaye. Nafrat to mujhe unse kai saal pehle hi ho gayi thi lekin college ke baad main unka muh tak nahi dekhna chaahta tha.

Armaan completed.

Ridhimaa: (softly) Lekin Armaan... is sab me kahin na kahin tumhari galti bhi to hai. Agar tum Abi Jaan ko apni jaan ki dhamki na dete to shaayad wo kabhi tum logon ko chodkar nahi jaate. Wo tumse kitna pyar karte the... agar tum unko achha banne ke liye kehte... to shaayad wo kabhi bure nahi bante.

Armaan: (to Ridhimaa) To tum mujhe blame kar rahi ho us sabke liye jo humare saath hua?

Ridhimaa: Armaan... main bas picture ko doosre perspective se dekh rahi hoon. Ye tum bhi jaante ho aur hum sab bhi ki Abi Jaan tumse bahut pyar karte the. Tumhare ek baar kehne par wo ghar chhod gaye... wo waapas aate the to bhi tumhare liye... I'm sure agar tum unhe samjhaate to wo zaroor maan jaate. Apni doosri biwi aur bachchon ko chodkar waapas tum logon ke pass aa jaate. Ho sakta hai ki aaj tumhari ma aur tumhare Abi Jaan dono zinda hote.

Armaan stared at her for so long that his eyes began to water. And then he blinked back the tears in his eyes.

Armaan: Tumhara matlab hai ki main apni ma aur Abi Jaan ka kaatil hoon. Dono meri wajah se ab is duniya me nahi hain. Unhe maine maara hai... hai na?

Shashank: Nahi Armaan... ye Ridhimaa to bas aise hi... Ridhimaa... tumhe ye sab kehne ki...

Armaan: Use aap kyun daant rahe hain sir? Aapko lagta hai ki Ridhimaa pehli insaan hai jisne mujhse ye sab kaha? Nahi... na to wo pehli hai aur na hi main ye sab pehli baar sun raha hoon. Ek baar aur mujhe in sabhi baaton ka gunehgaar thehraaya gaya tha...

Armaan: Ajeeb co-incidence ye hai ki dono baar unhi dono ne mujhe apni ma aur Abi Jaan ka doshi banaaya hai jinse main is duniya me sabse zyada pyar karta hoon... aur shaayad wo dono bhi mujhse is duniya me sabse zyada pyar karti...

Anjali: Doosra kaun? Tamanna?

Armaan: Nahi... chaudah saal pehle jis din maine apne Abi Jaan ko ghar se nikaala... usi din meri apni ma ne mujh par pehli aur aakhiri baar haath uthaaya. Wo mujhe maar rahi thi... aur main... main chupchaap unhe dekh raha tha. Meri aankh se ek bhi aansun nahi nikla... I was stunned ki jis ma ke liye maine apne Abi Jaan ko ghar se nikaala... wo mujhe unka doshi bana rahi hain. Unhone bhi mujhse yahi sab kaha tha ki mujhe kum se kum ek mauka Abi Jaan ko dena chahiye tha.

Ridhimaa: (tentatively) Tumne unki baat nahi maani?

Armaan glanced at Ridhimaa's face. She was curious but her face was showing pain at hearing Armaan's story. Armaan, who was angry with her for blaming him for his parents' death was surprised to find his anger vanishing away. Love took it's place.

Ridhimaa: (finding Armaan gazing at her) Armaan... tum aise kyun dekh rahe ho?

Armaan: (taking her hand) Dekh raha hoon ki main kitna lucky hoon.

Nani: Kaise?

Armaan: Wo main baad me bataunga... pehle Ridhimaa ke sawaal ka jawaab de doon. Ridhimaa... main apni ma se bahut pyar karta tha... aaj bhi karta hoon...

Ridhimaa: Mujhe pata hai...

Armaan: Bilkul usi tarah jaise main tumse pyar karta hoon aur tum mujhse. Pehle tum mere sawaal ka jawaab do. Kya tum us shakhs ko maaf kar paati jisne mujhe ek nahi, do nahi hazaar takleefein di ho? Jiski wajah se main zindagi jeena hi bhool jaun? Jiski wajah se har waqt meri aankhein nam ho jaayein? Bolo...

Ridhimaa kept silent.

Armaan: Achha... yahi bata do... tumhe lagta hai na ki main tumhari wajah se tum sabko chodkar gaya tha? Kya tum aaj tak khud ko maaf kar paayi ho? Ye jaante hue ki main tumhe un sab baaton ke liye doshi nahi maanta?

Ridhimaa: (slowly) Nahi...

Armaan: To fir main us insaan ko kaise maaf kar deta jiski wajah se meri ma... Ridhimaa... maine tum sabko maaf kiya tha kyunki mujhe pata hai ki tum sabse galti hui thi... tum sab mujhse bahut pyar karte ho. Lekin wo... wo insaan nahi tha Ridhimaa... tumne wo sab nahi dekha... dekha hota to mujhse ye nahi poochhti. Use maaf karne ki taakat mujhme nahi thi...

Ridhimaa: Lekin ma bhi to chaahti thi ki..

Armaan: Haan... ma chaahti thi ki main unke shauhar ko na sahi, apne pita ko maaf kar loon. Wo mujhe khush dekhna chaahti thi. Lekin main jaanta tha ki agar maine Abi Jaan ko maaf kar bhi diya to bhi main unhe apni ma ko pyar karne ke liye majboor nahi kar paunga. Pyar zabardasti nahi karwaaya jaata Ridhimaa. Wo apni doosri biwi se bahut pyar karte the... aur main apni ma ko pal-pal marte nahi dekh sakta tha.

He paused for a second.

Armaan: (continuing) Maine kabhi bhi Abi Jaan ko force nahi kiya ki wo waapas humare pass aayein. Mujhe unki doosri biwi aur unki beti se nafrat zaroor thi lekin... lekin main nahi chaahta tha ki meri wajah se un dono ki zindagi kharaab ho. Main us raat apni ma ke kamre me gaya. Wo bed par baithi thi. Main unke pairon ke pass neeche baith gaya.

Ridhimaa: (smiling) Haan... manaane ka best tareeka tumhe yahi aata hai...

But Armaan didn't smile.

Armaan: Maine kaha: "Ma... mujhe maaf kar do... lekin main jaanta hoon ki maine ki galti nahi ki hai. Main us aadmi ko nahi jaanta... main bas yahi jaanta hoon ki main tumhara beta hoon aur tum meri ma. Mujhe tumhare alaawa aur koi nahi chahiye... koi nahi... koi nahi..."

Armaan had succumbed to tears remembering that scene. All were horrified.

Padma: Armaan...

Armaan: (amidst his tears) Main ro raha tha aur ma mere saath ro rahi thi. Unhone mujh par pehli baar haath uthaaya tha... jitna dard mujhe nahi hua, ussey zyada unhe ho raha tha. Fir humne kabhi is baare me baat nahi ki. Mujhe nahi pata ki ma ne meri baat samjhi thi ya fir wo sirf mujhe hurt na karne ke liye ye topic nahi chhedti thi. I don't know ki main unka ya fir Abi Jaan ka kaatil hoon ya nahi... I really don't know.

Ridhimaa: (changing the topic) Armaan... tum kisi ke kaatil nahi ho. I'm sure tumhari ma bahut achhi thi... hai na?

Armaan: (wiping his eyes dry) Haan... bahut achhi thi wo. Raat ko jab main exams ke liye padh raha hota tha to mere saath jagti thi... lekin mere saath soti nahi thi wo. Mere mana karne par bhi ek roti zyada de hi deti thi. Mujhe doodh bilkul achha nahi lagta tha... lekin mujhe zabardasti pilaati thi. Ma kehti thi... "Maani... tumhe duniya se ladna hai... iske liye tumhe taakat chahiye... aur taakat ke liye doodh peena zaroori hai..."

Padma: Maani kaun?

Armaan: Main... Armaan... apni ma ka Maani.

Ridhimaa: Hmmm...

Armaan smiled.

Armaan: Pata hai... ma ne marne se pehle mujhse do waade liye the... pehla ye ki main ek bahut achha doctor banun.

Shashank: Yes... we know that one...

Armaan: Aur doosra ki main apne Abi jaan ki tarah bilkul na banun. Wo jaanti thi ki kaisa lagta hai jab kisise itna pyar karte hain aur wo aapko kisi aur ke liye chodkar chala jaaye... wo chaahti thi ki main jis bhi ladki se pyar karun... apne marte dum tak ussey wafa karun. Agar wo mujhe na bhi mile to kisi aur ke baare me na sochun jisse koi aur Nivedita Mallik na ban paaye. Main chaahe poori zindagi akela rahun lekin kabhi bhi ussey shaadi na karun jiske saath main apni zindagi nahi guzaarna chaahta. Mujhe ye sab bahut bekaar baatein lagti thi tab...

Ridhimaa: Achha?

Armaan: Haan... aur maine apni ma ko keh diya tha ki main kabhi kisi se pyar hi nahi karunga... kitna boring kaam hai... nahi?

All smiled except Ridhimaa who grew angry.

Ayushi(Lovy)

No comments:

Post a Comment

dilmilgayearblog.blogspot.com