Saturday, 12 August 2017

part 63 : Life style

Image may contain: 3 people, text



some days passed
**
*
(kuch din aisehi guzar jaate hai in dinon riddhima ka khoya hua bharosa rishi par wapas kayam hojata hai aur rishi bhi ab usse bharose ko kabhi khona nahi chahta hota hai dusri taraf armaan riddhima bhi apni life mein bohat khush hote hain ke ek din)

*
*
*************
*
(armaan room mein betha tasveerein dekh raha hota hai riddhima uske peeche bethi hoti hai)
*
riddhima: armaan..
*
(armaan koi jawab nahi deta riddhima uske paas aakar bethi hai toh armaan kisi aurat ki pictures dekh raha hota hai uski aankhon mein aansuh bhi hote hain)
*
riddhima softly: armaan..
*
(armaan uski taraf dekhta hai)
*
armaan teary eyes: ab yeh mat bolna dusri aurton ki tasveerein dekh raha hun... NANI hai yeh meri..
*
(riddhima muskura ke usse dekhti hai aur uske haathon pe kiss karti hai)
*
*
Riddhima sadly smile: pata hai armaan main apni nani se bohat atach thi jab meri nani ka intekal hua tha na main bohat sehem si gayi thi.. 3 din tak maine khana nahi khaya tha bilkul khamosh chup chaap si raheti thi..
*
(armaan riddhima ki aankhon mein dekhta hai usse riddhima ka dard uski aankhon mein saaf nazar araha hota hai)
*
riddhima: pata hai unke baghair soti tak nahi thi main 6 saal ki ummar tak un ke paas unke haath pe soti thi.. Woh.. Meri.. Har zid har khawaish poori karti thi...
*
*
(riddhima ki aankhon mein aansuh ajate hain)
*
riddhima teary eyes: pata nahi kyun mujhe chorkar chali gayi..
*
(armaan uski taraf dekhta hai aur uske aansuh pochta hai aur uske gaal pe kiss karta hai)
*
Riddhima lightly smile: waise ek baat poochuh?
*
armaan: hmm..
*
riddhima: umm armaan.. Aisa kya hua jo tumhari nani ne tumhara saath chordiya kyun naraz hain woh tumse..
*
armaan lightly smile: array yar riddhima nani meri shaadi apni pasand ki larki se karwana chahti thi maine unki baat nhi maani isiliye woh naraz hokar delhi chali gayi..
*
riddhima: toh tumne unhe roka nahi..
*
armaan: roka tha par woh nahi maani..
*
riddhima: par tumne shaadi se inkar kyun kiya tha..
*
armaan lightly smile: tumhare chakar mein..
*
riddhima: ohh... Iska matlab yeh college time ki baat hai..
*
armaan lightly smile: han.. Actually nani ne bachpan mein hi mera rishta apni rishtedar ki beti se tai kardiya tha maine inkar kardiya isiliye woh bohat hurt hui thi aur.. Mujhe aur niki ko chorkar chali gayi..
*
riddhima softly: par armaan ab toh hamari shaadi hogai haina nani maan jaengi tum ek bar delhi jao unhe manane ki koshish toh karo..
*
armaan sadly smile: unhe fikar hoti toh mujhe aise chorke nahi jaati..
*
*
(armaan yeh kehta hai ke tabhi ghar ki bell baj jaati hai)
*
riddhima: main dekhti hun..
*
*
(riddhima neeche aati hai aur darwaza kholti hai toh armaan ki nani hoti hain riddhima unhe dekhar shocked bhi hoti hai aur khush bhi hojati hai)
*
riddhima: nani..
*
nani confusingly: kon hou tum aur mujhe nani kyun bula rahi hou main tumhari nani nahi hun armaan.. Armaan kahan hai..
*
riddhima: umm..
*
*
(isse pahele riddhima kuch kaheti armaan neeche aajata hai)
*
armaan: riddhima kon hai..
*
riddhima: armaan..
*
(armaan darwaze ki taraf dekhta hai toh nani ko dekhar hairan hojata hai aur kuch deir unhe yuhi dekhta raheta hai uski aankhon mein unhe dekhar khushi ke aansuh aajate hain nani armaan ke paas aati hain aur uska maatha choomti hai aur usse rote hue gale lagati hai)
*
nani: mera bacha..
*
*
(armaan nani se gale lag kar bohat rota hai aur riddhima dono ko dekhar khush hoti hai)
*
*
(armaan nani se peeche hota hai)
*
armaan teary eyes: nani aap..
*
nani crying: tujhe toh sharam aati nahi hai matlab main naraz hogayi toh tuh bhi nahi aya mujhe manane.. Itna hi pyaar karta hai apni nani se..
*
armaan crying: nahi nani aisi baat nahi hai mujhe laga tha aap manengi hi nahi..
*
nani: kaise nahi maanti.. Tuh mujhse bilkul pyaar nahi karta na..
*
armaan teary eyes: aisa nahi hai..
*
nani: acha theek hai chal ab rona band kar.. Kyun larkiyon ki tarah roye jaraha hai..
*
(nani ki nazar phir riddhima pe jaati hai aur woh armaan ko dekhar poochti hain)
*
nani: armaan yeh kon hai..
*
armaan: umm nani yeh.. Riddhima hai meri.. Meri biwi..
*
(nani yeh sunkar shocked hojati hai aur armaan ko gusse mein dekhti hain)
*
nani: tune mujhse baghair pooche shaadi tak karli..
*
armaan softly: nani..
*
nani: itni hi ehmiat hai meri teri nazron mein ke tune shaadi bhi karli mujhse poochna tak zaruri nahi samjha.. Jab maine tujhse shaadi ka bola tab tune saaf mana kardiya aur ab iss larki se shaadi karli..
*
armaan teary eyes: nani meri aur riddhima ki shaadi ko 2 saal hogaye hain..
*
(nani yeh sunkar aur hairan hoti hai)
*
nani: wah beta wah.. 2 saal hochuke hain teri shaadi ko aur mujhe.. Mujhe aj pata lag raha hai..
*
meri hi galti thi ke maine apna dill naram kiya aur tere paas ayi.. Main ab yahan ek minute aur nahi rukungi..
*
armaan teary eyes: nani please meri baat sune..
*
(nani gusse mein jaane lagti hai ke riddhima nani ka haath pakarleti hai aur unke saamne aati hai aur paar se unka haath pakarke kaheti hai)
*
riddhima softly: nani please mat jaiye.. I know armaan ne bohat galat kiya usse apki marzi ki hi larki se shaadi karni chaiye thi.. Par nani ab bohat deir hochuki hai meri aur armaan ki shaadi hogayi hai isse toh hum badal nahi sakte na.. Please mat jaiye.. Armaan ko apki bohat zarurat hai..
*
nani angrily: tum toh rahane dou kaisi larki hou tum.. Kisi ko uske bache se door karke tumne apna ghar basa liya..
*
riddhima teary eyes: nani mujhe nahi pata Tha ke armaan ki nani bhi hain.. Main.. Main sirf niki aur abhi bhaiya ko janti hun.. Aur kisi se aj tak nahi mili..
*
nani angrily: jhoot nahi bolo sab jaanti hun main tum jaisi larkiyon ko pahele toh ameer ghar ke larke ko phasati hou aur phir gale parh jaati hou..
*
*
(riddhima ki aankhon se aansuh nikalne lagta hai ke armaan ko gussa ajata hai)
*
armaan angrily: nani yeh aap kya keh rahi hain riddhima ne koi mujhe apne jaal mein nahi phasaya hai maine khud riddhima se apni marzi se shaadi ki hai..
*
nani: dekha tumhari waja se apni nani ke aage zaban chala raha hai..
*
*
(nani ki aankhon mein aansuh ajate hai riddhima apne emotions control karte hue armaan ko bolti hai)
*
riddhima: armaan please..
*
armaan: nani yeh riddhima hai wahi riddhima jiske baarein mein maine apko bataya tha..
*
nani angrily: acha toh yeh wahi ghamandi larki hai jisse apne LIFE STYLE ke alawa aur kuch nahi soojhta hai..
*
wahi haina yeh jisne tujhe thukraya tha yeh kehkar ke jab isse iski pasand ka LIFE STYLE dene ki taakat ajaye tab aana...
*
*
(riddhima bohat sharminda hoti hai uski aankhon mein bohat aansuh aur guilt hota hai armaan yeh aur nahi dekh paata)
*
armaan angrily: nani yeh sab purani baatein hai.. Ab riddhima..sirf mujhse pyaar karti hai..
*
nani angrily: nahi armaan yeh tujhse nahi sirf apne aishon araam sirf apne LIFE STYLE se pyaar karti hai.. Jab isne dekha ke tuh itna ameer hogaya hai tab isne tujhe inkar nahi kiya shaadi ke liye... Armaan yeh larki bilkul bhi sahi nahi hai tere liye..
*
armaan angrily: nani aapne chand purani baaton ki waja se yeh tai karliya ke riddhima mere liye sahi nahi hai... Nani..
*
(armaan riddhima ka haath pakarta hai)
*
armaan: isse achi larki mujhe kahi nahi mil sakti..
*
nani angrily: theek hai toh sabit kare ke yeh ek achi biwi ek achi bahuh hai..
*
armaan: nani yeh aap kya keh rahi hain .. Yeh nahi hosakta
*
nani angrily: theek hai jarahi hun main wapas aur ab na toh teri khushi mein aungi aur naahi TERE MARNE PE..
*
*
(armaan aur riddhima yeh sunkar shocked hojate hain nani ko jaata dekh armaan ki aankhon mein takleef riddhima ko saaf nazar arahi hoti hai riddhima armaan ko aise aur nahi dekh paati hai)
*
*
riddhima thinks: nahi armaan.. Main tumhare liye kuch bhi karsakti hun..
*
(riddhima nani ka haath pakarleti hai aur unke paas pyaar se aati hai)
*
riddhima lovingly: nani please meri baat suniye..
*
(nani gusse mein usse dekh rahi hoti hai riddhima nani ka haath pakarke usse sofe pe bithati hai aur uske kadmon mein beth jaati hai aur pyaar se uska haath pakarke choomti hai)
*
riddhima lovingly: nani aap mujhse naraz haina aap ko lagta haina main ek achi larki nahi hun.. Mujhe kuch nahi aata hai.. Mujhe jorke rakhna nahi aata.. Yeh sab meri waja se hua hai..
*
(riddhima ki aankhon mein aansuh hote hain woh phir bhi usse pyaar se bolti hai)
*
riddhima: theek hai main maanti hun meri galti hai.. Par mujhe ek mauka dona aap.. Main wada karti hun main sab theek kardungi jaisa aap bologi waisa karungi..
*
*
(nani ko uski baatein sunkar dill pighalne toh lagta hai par woh gussa hoti hai usse lagta hai itne saal armaan ko riddhima ne usse door rakha hai)
*
*
(darasal nani dill ki bohat achi hoti hai bohat frank hai par jab unhe gussa aata hai toh woh kisi ki nahi sunti)
*
*
riddhima teary eyes: mujhe nahi aata kuch bhi.. Toh aap sikha dona.. Main seekungi poori mehnat se seekhungi..
*
*
(armaan riddhima ka itna concern dekhar uski aankhon mein aansuh ajate hain)
*
*
riddhima: nani maine bhi 6 saal ki umar mein apni nani khoyi hai main toh unhe wapas nahi laasakti par aap.. Nani aap armaan se door mat jaiye apko pata hai armaan hamesha apki baatein karta tha.. Aapse bohat pyar karta hai.. Please meri waja se usse chorke mat jaiye.. Aur main aapki khidmat mein haazir hun waada aap jaisa bolengi jo bolengi main karungi.. Aap daatengi bhi toh apni nani samajh kar apki daat bhi khalungi aur aapki maar bhi..
*
*
please mat jaiye..
*
*
(riddhima rote hue bohat pyaar se nani ko manane ki Koshish karahi hoti hai ke nani ka bhi dill pighal jaata hai par phir bhi unko abhi bhi riddhima ki waja se narzgi hoti hai)
*
nani: theek hai.. Nahi jarahi kahi bhi..
*
*
(riddhima yeh sunkar bohat khush hojati hai aur armaan ko dekhti hai armaan bhi bohat khush hota hai ke nani bolti hain)
*
*
Nani: lekin main jaisa bolungi tumhe waisa karna hoga.. Soch lou main tumhe kisi bhi tareeke ka torture karsakti hun... Tumse kuch bhi karne ko kehsakti hou..
*
(armaan yeh sunkar thora ghabra jaata hai par riddhima haste haste nani ki baat maanjaati hai)
*
riddhima cutely: paka jaisa bolengi waisa karungi koi sawal nahi karungi kuch nahi puchungi..
*
nani: dekho riddhima main maan toh gayi hun yahan rukne ke liye lekin.. Mujhe abhi yahi lagta hai ke tum armaan ke liye bilkul sahi nahi hou.. Aur main tumhe bohat torture karne wali hun dekhti hun kitna pyaar karti hou armaan se kya kya karsakti hou uske liye..
*
*
(armaan nani ki yeh baat sunkar ghabra jaata hai aur bolta hai)
*
armaan: nani aap..
*
nani: tum beech mein nahi bolo armaan yeh mera aur iss larki ka maamla hai..
*
(riddhima bohat hi calmly nani ke haath pe kiss karti hai)
*
riddhima: apka bharosa jeetne ke liye mujhe jo karna parhega main karungi..
*
nani: hmm..
*
*
(nani yeh kehkar uthjaati hai aur riddhima se apne haath churwaleti hain riddhima bhi khari hojati hai)
*
riddhima: nani aap fresh hojaiye main khana lagati hun..
*
*
(nani usko ek nazar dekhti hai aur sar han mein hila kar chali jaati hai riddhima peeche armaan ki taraf dekhti hai jo bohat hi pareshan haal usse dekh raha hota hai riddhima uske paas jaati hai aur haste hue usko hug karleti hai jaise kuch hua hi nahi hou)
*
riddhima lovingly: pareshan nahi hou.. Kuch nahi hoga.. Sab theek hojaega.. Main nani ki narazgi jaldi hi mita dungi chahe mujhe jo karna parhe..
*
armaan: riddhima itna halka mat lou nani ko.. Woh bohat achi hai dill ki bilkul saaf hai par unhe jab lagta haina ke koi galat hai toh woh uske saath hadh se zyada galat karti hai... Mujhe tension horahi hai ke nani tumse pata nahi kya kya karwaengi..
*
(riddhima usse peeche hatkat bolti hai)
*
*
riddhima smilingly: kuch nahi hoga sab mujhpe chordou aur tension lena band karo.. Nani hai woh gabar nahi.. Aur waise bhi jab tum jaisa akruh insaan mujhse itna pyaar karsakta hai toh Riddhima smilingly: toh woh toh nani hain tumhari thori naraz hain par main mana lungi unhe.. Aur dekhna ek din main unki sab se achi dost ban jaungi.. Aur hum dono milkar tumhari band bajaenge..
*
*
(armaan ki aankhon mein yeh sunkar aansuh ajate hain aur hoton pe muskan bhi woh riddhima ke forehead pe kiss karta hai)
*
armaan: im sorry nani se tum pahele bar mili aur unho ne tumhare saath..
*
riddhima: tumna apna sorry apne paas rakho mujhe bura nahi laga.. Aur waise bhi jiss se tum mohabbat karte hou main un sab se beintehaa mohabbat karungi..
*
armaan smiles...
*
*
(nani yeh sab peeche se khari sunleti hain)
*
nani: jhooti kahenki armaan ko apni gol gol baaton mein phasa rahi hai.. Aisa hi kiya tha.. Baji ki bahu ne unke saath.. Yeh bhi wahi karahi hai taake armaan mujhe khud ghar se nikale..
Main nahi aungi iske jhaase mein.. Itni band bajaungi iski ke isko iski nani yaad dila dungi..
*
*
*
**************************
TO BE CONTINUE:-

Aaliya

No comments:

Post a Comment

dilmilgayearblog.blogspot.com